The heart of fans

កម្រងរូបភាពថ្ងៃបុណ្យកត្តញ្ញូនៃសាលា ដុន បូស្កូ

Don Bosco School final exams set early this year

By: Sokhean Ben

The final exams at Don Bosco Technical School in Sihanouk Province for Students of High Technical Diploma, 3 Generation (2011-2013 have been set from 20th to 21st June 2013. On the first day there over 200s senior students joined the examinations. The students belonged to the Electrical, Mechanical, Automotive, Secretarial and Social Communication & Journalism sections of Don Bosco School.Mr. Nhan Pourn principal of Don Bosco School said that: “This year the final exams were attended by representatives of the Ministry of Education Youth and Sport. That limited the time and date of the examination”.Some of second years students passed already an interview with Companies or Organizations and some of them succeeded to come on the short list. After that they made an assignment of their skill on June 12th-14th, 2013.Mr. Tang Chhunheng Senior student of Social Communication and Journalism Section said “The final exams this year came so fast. Usually we have them in July”Don Bosco Technical School is a Non-Government Organization that helps young poor students from countryside who haven’t enough money to study at an university to develop a good skills for vocation so they can have good job in the future.

សកម្មភាពប្រលងរបស់និស្សិត ដុនបូ ស្កូ

កម្រងរូបភាពវេទិការយុវជន ស្តីពីឧស្សាហកម្មនិស្សារណកម្ម និងបំរែបំរួលអាកាសធាតុ

មណ្ឌលយុវជនក្រុមបងប្រុសសូរិយានៃសាលា ដុន​ បូស្កូ​ខេត្តព្រះសីហនុ

សេវាកម្មសាលាបច្ចេកទេស ដុន​ បូស្កូ ខេត្តព្រះសីហនុ

ពិធីសម្ភោធដាក់មជ្ឍមណ្ឌលបណ្តុះបណ្តាលវិជ្ជាជីវៈ ដុន បូស្កូ ខេត្តកែបឲ្យប្រើប្រាស់ជាផ្លូវការ

ឯកឧត្តម អ៊ឹម សិទ្ធី ជាគណៈអធិបតីដ៏ខ្ពង់ខ្ពស់ក្នុងអង្គពិធី

កាលពីព្រឹកថ្ងៃទី០៧​​  ខែមីនា ឆ្នាំទី ២០១៣ ឯកឧត្តម អ៊ឹម សិទ្ធី រដ្ឋមន្រ្តីក្រសួងអប់រំ យុវជន និងកីឡា បានអញ្ជើញជាអធិបតីភាព ដ៏ខ្ពង់ខ្ពស់ក្នុងពិធីសម្ភោធដាក់មជ្ឍមណ្ឌល បណ្តុះបណ្តាលវិជ្ជាជីវៈ ដុន បូស្កូ ខេត្តកែប ឲ្យប្រើប្រាស់ជាផ្លូវការ។ មជ្ឍមណ្ឌលនេះមានទីតាំងស្ថិតនៅ ភូមិថ្មី សង្កាត់ព្រៃធំ ក្រុងកែប ខេត្តកែប ដែលមានចម្ងាយប្រមាណជា១៧៥ គម ពីរាជធានីភ្នំពេញ។

នៅវេលាម៉ោង ៨:៣០ ព្រឹក គណៈអធិបតី ដែលដឹកនាំដោយឯកឧត្តម អ៊ឹម សិទ្ធី បានអញ្ជើញមកដល់មជ្ឍមណ្ឌលបណ្តុះបណ្តាលវិជ្ជាជីវៈ ដុន​ បូស្កូ​ ខេត្ត​កែប​ ដែលមានការ​ ទទួល​​បដិសណ្ឋារកិច្ចពីសំណាក់ លោកឪពុក លី សំណាង ថ្នាក់ដឹកនាំសាលា ព្រមទាំងសិស្ស និស្សិត នៃមជ្ឍមណ្ឌលបណ្តុះបណ្តាលវិជ្ជាជីវៈ ដុន បូស្កូ ខេត្តកែប ផងដែរ។ លោកទាវ ហេងឡាយ ជានាយកសាលា បានប្រកាសគណៈអធិបតីចូលរូម ក្នុងកម្មវិធី ធ្វើពិធី​គោរពភ្លេងជាតិ ព្រមទាំងបង្ហាញគណៈអធិបតី និងភ្ញៀវកិត្តិយសទស្សនារបាំជូនពរ ជាការសំដែងផ្ទាល់ពីសំណាក់សិស្សានុសិស្ស នៃមជ្ឈមណ្ឌល បណ្តុះបណ្តាលវិជ្ជាជីវៈ ដុន បូស្កូ ខេត្តកែបផងដែរ។

គណៈអធិបតីចូលរួមក្នុងពិធីនេះរួមមាន៖

• លោកអភិបាល អូលីវីយេ(Oliviere)  អភិបាលព្រះសហគមន៍កាតូលិកភូមិ​ភាគភ្នំពេញ
• ឯកឧត្តម អ៊ឹម សិទ្ធី                       រដ្ឋមន្រ្តីក្រសួងអប់រំ យុវជន និងកីឡា
• ឯកឧត្តម កែន សត្ថា                     អភិបាល នៃគណៈអភិបាលខេត្តកែប
• ឯកឧត្តម ជួង ស៊ីវុទ្ធ                      អភិបាលរង នៃគណៈអភិបាលខេត្តកែប
• ឯកឧត្តម លោកជំទាវថ្នាក់ដឹកនាំក្រសួងអប់រំ យុវជន និងកីឡា
• លោកឪពុក John Visser              តំណាងមូលនិធិ ដុន បូស្កូកម្ពុជា
• លោកឪពុក លី សំណាង(Albeiro Rodas) ប្រធានមជ្ឍមណ្ឌលបណ្តុះបណ្តាលវិជ្ជាជីវៈ ដុន បូស្កូ ខេត្តកែប
• ភ្ញៀវកិត្តិយសជាតិ និងអន្តរជាតិ
• លោកគ្រូ អ្នកគ្រូ សិស្ស និស្សិត។

ស្ថិតក្នុងពិធីនោះ ឯកឧត្តម អ៊ឹម សិទ្ធីបានមានប្រសាសន៍ថា ៖ លោកមានសេចក្តីសោមនស្សរីរាយយ៉ាងខ្លាំង ដែលបានអញ្ជើញចូលរួមក្នុងពិធីសម្ភោធដាក់ឲ្យប្រីប្រាស់​ជាផ្លូវការនូវ​មជ្ឈមណ្ឌលបណ្តុះបណ្តាលវិជ្ជាជីវៈ​ ដុន បូស្កូ ខេត្តកែប នាពេលនេះ។

លោកបានមានប្រសាសន៍បន្តទៀតថា៖ តាងនាមឲ្យក្រសួងអប់រំ យុ​វជន​ និងកីឡា និងខ្លួនលោកផ្ទាល់ លោកសូមថ្លែងអំណរគុណយ៉ាង​ជ្រាល​ជ្រៅចំពោះមូលនិធិ ដុន បូស្កូ ​និងលោកឪពុក លី សំណាង ដែលបានជួយសាងសង់មជ្ឈមណ្ឌលបច្ចេកទេសថ្មីនេះ នៅខេត្តកែប។ ព្រមទាំងថ្លែងអំណរគុណយ៉ាងជ្រាលជ្រៅ ចំពោះការខិតខំប្រឹងប្រែង ប្រកបដោយ​គុណធម៌ ​​​របស់លោកឪពុក John Visser លោកឪពុក Leonard Ochoa បងប្រុស Roberto លោកគ្រូ អ្នកគ្រូ បុគ្គលិក  និងសប្បុរសជនជាច្រើនទៀត ដែលបានខិតខំប្រឹងប្រែងអស់កម្លាំងកាយ ចិត្តជួយដល់កុមារ និងយុវជនក្រីក្រកម្ពុជារយៈពេលជាង២០ ឆ្នាំមកហើយ។

ឯកឧត្តមបានមានប្រសាសន៍ជាចុងក្រោយថា៖ សូមឲ្យ សិស្សានុសិស្ស យុវជន យុវ​នារី ដែលកំពុងសិក្សា ក្នុងមជ្ឈមណ្ឌលបណ្តុះបណ្តាលវិជ្ជាជីវៈនេះខិតខំ យកចិត្តទុកដាក់រៀនសូត្រ ស្តាប់ការទូន្មាន ប្រៀនប្រដៅ របស់លោកគ្រូ អ្នកគ្រូ និងក្រោយពេលបញ្ចប់ការសិក្សា ត្រូវខិតខំយកចំណេះដឹងដែលបានសិក្សាក្នុងមជ្ឈមណ្ឌលនេះ ទៅអនុវត្ត ដើម្បីបង្កើនជំនាញ​ និងចំណេះដឹងឲ្យបានច្បាស់លាស់ សម្រាប់ប្រកបរបរចិញ្ចឹមជីវិតក្នុងគ្រូសារឲ្យ កាន់តែរីកចម្រើន និងជៀសផុតពីភាពក្រីក្រ។

លោកឪពុកអធិការ ចន វីស័រ(John Visser) អ្នកតំណាងមូនិធិ ដុន បូស្កូ កម្ពុជា និងជាអធិការនៃសាលាបច្ចេកទេស ដុន​ បូស្កូ ខេត្តព្រះ​សីហនុ បានមានប្រសាសន៍បង្ហាញពីរបាយការណ៍ ក្នុងឆ្នាំ​កន្លងមក និងប្រាប់ពីប្រវត្តិខ្លះៗនៃមជ្ឈមណ្ឌលបណ្តុះបណ្តាលវិជ្ជាជីវៈ ដុន បូស្កូ ខេត្តកែប នេះថា បានរៀបចំអភិវឌ្ឍន៍ចាប់តាំងពីឆ្នាំ២០០០ មកម្លេះ ដែលមានលំហំដីចំនួន ៣ ហិចតា ដែលពីដើមឡើយសុទ្ធសឹងជាព្រៃរបោះក្បែរមាត់សមុទ្រប៉ុណ្ណោះ ហើយគ្រប់គ្រងដោយសាលាបច្ចេកទេស ដុន បូស្កូ ខេត្តព្រះសីហនុ ចាប់ពីឆ្នាំ២០០៧មក។

បន្ទាប់​ពីបញ្ចប់ពិធីថ្លែងសុន្ទរកថា គណៈអធិបតី បានធ្វើពិធីកាត់ខ្សែរបូណ៌សម្ភោធដាក់​ឲ្យជាផ្លូវការ មជ្ឈមណ្ឌលបណ្តុះបណ្តាលវិជ្ជាជីវៈ ដុ​ន បូស្កូ ខេត្តកែប ពីសំណាក់ ឯកឧត្តមរដ្ឋមន្រ្តី អ៊ឹម សិទ្ធី លោកអភិបាល អូលីវីយេ​ ឯកឧត្តម កែន សត្ថា ។ បន្ទាប់មកគណៈ​អធិបតី បានអញ្ជើញទស្សនា សំណង់អគារនានា ដែលជាសមិទ្ធិផលរបស់សាលា ដុន បូស្កូ កែប ដែលសុទ្ធសឹងជាជំនួយរបស់អ្នកសប្បុរស។ ជាក់ស្តែងសំណង់អគារធំៗ ចំនួនពីរគឺអគារស្នាក់បន្ទាយស្រី ដែលបានសម្ភោធដាក់ឲ្យប្រើប្រាស់កាលពីថ្ងៃទី០៧ ខែវិច្ឆកា ឆ្នាំ២០១២ ន្លងមកនេះ​ ក្រោមអធិបតីភាពឯកឧ​ត្តម កែន សត្ថា​ អភិបាល នៃគណៈអភិបាលខេត្តកែប និងអគារមណ្ឌលអង្គរបុរី ដែលបានដាក់សម្ភោធនៅថ្ងៃនេះ។

ចាប់តាំងពីការបង្កើតមូលនិធី ដុន បូស្កូ កម្ពុជា រហូតមកដល់សព្វថ្ងៃ ក្រោមការដឹកនាំរបស់លោក​ឪពុក អធិការ ចន វីស័រ(John Visser) និងមានការជួយ ជ្រោមជ្រែង សហប្រតិបត្តិការ​ ពីបុគ្គលិកខ្មែរ ពីក្រសួងអប់រំ​ យុវជន និង​កីឡា​ ពី​ម្ចាស់​ជំនួយ​បរទេស​ និងសប្បុរសជន​ផ្សេងៗទៀត មូលនិធិ ដុន​ បូស្កូកម្ពុជា បានបង្កើតសាលាបច្ចេកទេស សាលាបណ្តុះបណ្តាលវិជ្ជាជីវៈ​ សាលាចំនេះទូទៅរបស់ខ្លួន នៅរាជធា​នី-ខេត្ត មួយចំនួនក្នុងព្រះរាជាណាចក្រកម្ពុជា។ លទ្ធផលជាក់ស្តែង នៅរាជធានីភ្នំពេញ ចំ​នួន​០៣កន្លែង ខេត្តព្រះ​សីហនុ​០១កន្លែង ខេត្តកែប០១កន្លែង  ខេត្តបាត់ដំបង០២កន្លែង ខេត្តបន្ទាយមានជ័យចំ​នួន​០១កន្លែង​ផងដែរ៕

​

ដំណើរទស្សនាចរណ៍ជុំវិញកប៉ាល់LOGOS HOPE របស់និស្សិតដុន បូស្កូ

ដោយមានការសហការជាមួយម្ចាស់កប៉ាល់ Logos Hope ថ្នាក់ដឹកនាំ បុគ្គលិកសិក្សា ព្រមទាំងសិស្ស និសិ្សតនៃ សាលាបច្ចេកទេសដុន បូស្កូ ខេត្តព្រះសីហនុបានធ្វើទស្សនាចរណ៍ជាទ្រងង់ទ្រាយធំមួយទៅកាន់កប៉ាល់ទេសចរណ៍ខ្ខាតអន្តរជាតិ។ ដែលកប៉ា់ល់នោះបានធ្វើការសំចតរយៈពេល១៣ថ្ងៃ ដោយគិតចាប់ពីថ្ងៃទី៥ ដល់ថ្ងៃទី១៧ ខែកុម្ភៈ ឆ្នាំ២០១៣ នៅផែចាស់ ច្រកទី១ របស់កំពង់ផែអន្តរជាតិខេត្តព្រះសីហនុ។ ដោយអនុញ្ញាត្តិឲ្យភ្ងៀវទេសចរជាតិ និងអន្តរជាតិចូលទស្សនាចាប់ពីម៉ោង10:00នាទី ព្រឹកដល់ម៉ោង20:30នាទីយប់សម្រាប់ពីថ្ងៃអង្គារ និងថ្ងៃសៅរ៍ រីឯថ្ងៃអាទិត្យវិញចាប់ពីម៉ោង13:30 នាទីរសៀល ដល់ម៉ោង20:30នាទីយប់ ដោយឡែកសម្រាប់ថ្ងៃច័ន្ទ មិនអនុញ្ញាតិឲ្យភ្ញៀវទេសចរចូលទស្សនានោះទេ។ រីឯតម្លៃសំបុត្រវិញគឺត្រឹមតែ៥០០៛ប៉ុណ្ណោះសម្រាប់អ្នកចូលទស្សនា ដោយឡែកក្មេងដែលមានអាយុក្រោម១២មិនគិតថ្លៃសំបុត្រទេ ប៉ុន្តែត្រូវមានមនុស្សចាស់ម្នាក់តាមថែរក្សាសុវត្ថិភាពក្មេង អ្វីដែលគួរឲ្យកត់សម្គាល់នោះគឺមិនគិតថ្លៃសម្រាប់សាលាអង្គការក្រៅរដ្ឋាភិបាលផងដែរ។ នេះជាមកដល់លើកដំបូងរបស់កប៉ាល់Logos Hope មកកាន់ព្រះរាជាណាច្រកម្ពុជា ដែលភ្ញៀវទេសចរអាចមើលពីទិដ្ឋភាពទូទៅដ៏មហិមារបស់កប៉ាល់នេះ ជួបជាមួយនឹងយានិកអន្តរជាតិ អ្នកស្ម័គ្រចិត្តបរទេសដែលធ្វើការនៅលើកប៉ាល់ដែលមានភាពរសរាយរាក់ទាក់ ចូលទស្សនាការសំដែងសិល្បះ កំប្លែង ការរាំរបាំបែបបញ្ចឹមប្រទេស ទស្សនាកន្លែងផ្ទុកសៀវភៅដ៏ធំជាងគេលើពិភពលោក ហើយមានសៀវភៅដែលមានចំណងជើងជាង៥០០០មុខ ។

បើតាមសំដីរបស់កញ្ញា Rahel Vonrotz ជាអ្នកស្ម័គ្រចិត្តជនជាតិស្វ៊ីស ដែលបម្រើលើកប៉ាល់ Logos Hope បានឲ្យដឹងថា៖ នេះជាការមកដល់លើកដំបូងរបស់កប៉ាល់ Logos Hopeមកកាន់ប្រទេសកម្ពុជា ដែលធ្វើដំណើរចេញពីទីក្រុងហុង កុង មកកាន់ប្រទេសកម្ពុជា រួចនឹងបន្តដំណើរទៅកាន់ប្រទេសថៃទៀត។ អ្នកស្ម័គ្រចិត្តរូបនេះបានបន្តឲ្យដឹងទៀតថា៖នៅក្នុងកប៉ាល់នេះមានដាក់បង្ហាញនូវសៀវភៅជាង៥០០០មុខដែលមានចំណងជើង ដែលអនុញ្ញាតិឲ្យអ្នកទស្សនាចូលមើល និងអានដោយសេរី ព្រមទាំងអាចជាវយកទៅអាននៅគេហដ្ឋាន ដែលមានតម្លៃសមរម្យ។ ភាគច្រើននៃសៀវទាំងនោះ សុទ្ធសឹងជាភាសាអង់គ្លេស ដែលនិយាយពីប្រវត្តិសាស្រ្ត ភូមិសាស្រ្ត សេដ្ឋកិច្ច នយោបាយ សៀវភៅមុខម្ហូប ចំនេះដឹងទូទៅ កីឡា សុខភាព ឯកសារសត្វ រឿងនិទាន កំប្លែង។ល។ តាមប្រភពព័ត៌មានដដែលបានឲ្យដឹងទៀតថា មានអ្នកស្ម័គ្រចិត្តបម្រើការងារនៅលើកប៉ាល់សរុបប្រមាណជាង៤០០នាក់ ដែលមកពីជាង៥០ប្រទេសផ្សេងគ្នា។ គេសង្កេតឃើញមានភ្ញៀវទេសចរជាតិ និងអន្តរជាតិចូលទស្សនាយ៉ាងច្រើនកុះករ ជាពិសេសថ្ងៃអាទិត្យដែលមានអ្នកចូលទស្សនារាប់ពាន់នាក់ ហើយមានអ្នករក្សាសណ្តាប់ធ្នាប់ និងសុវត្ថិភាពខ្ពស់។

បើតាមប្រសាសន៍របស់លោកឪពុក យូជីន ខាល់កូ ជានាយកសាលាបច្ចេកទេស ដុន បូស្កូ ខេត្តព្រះសីហនុបានឲ្យដឹងថា៖ សាលារបស់លោកបានបញ្ជូលនិស្សិតទៅទស្សនាកប៉ាល់ខ្នាតអន្តរជាតិនេះសរុបទាំងអស់ចំនួន៥៥០នាក់ ដោយចែកជាទៅតាមផ្នែកនីមួយៗ ដោយផ្លាស់គា្នក្នុងរយៈពេល៣ថ្ងៃកន្លះ ក្នុងនោះមាននិស្សិតចំនួន៣៧០ជានិស្សិតផ្នែកបច្ចេកទេស និងចំនួន១៨០នាក់ផ្នែកសណ្ឋាគារ។ លោកឪពុកបានបន្តឲ្យដឹងទៀតថា៖គាត់ពិតជាមានអារម្មណ៍សប្បាយរីករាយយ៉ាងខ្លាំងដែលមានកប៉ាល់ខ្នាតអន្តរជាតិរបស់អ្នកស្ម័គ្រចិត្តបរទេស ដែលបានមកចែកបទសោធន៍ និងចំនេះដឹងថ្មីៗដល់កូនខ្មែរ ជាពិសេសសិស្ស និស្សិត ដែលមកពីសាលាបច្ចេកទេស ដុន បូស្កូរបស់លោក។

បើតាមសំដីរបស់លោក តាំង ឈុនហេង ជានិស្សិតផ្នែកទំនាក់ទំនងសង្គម និងសារព័ត៌មាននៃសាលាបច្ចេកទេស ដុន បូស្កូ ខេត្តព្រះសីហនុ បានឲ្យដឹងថា៖នេះគឺជាបទពិសោធន៍ទីមួយសម្រាប់ការទស្សនាកប៉ាល់ធំលំដាប់អន្តរជាតិ ដែលមានកន្លែងផ្ទុកសៀវភៅរាប់ម៉ឺនក្បាល ហើយលោកក៏ចង់ឲ្យប្រជាជនផ្សេងទៀតបានចូលទស្សនាដូចគ្នា ហើយលោកសង្ឃឹមថានឹងមានកប៉ាល់ខ្នាតអន្តរជាតិផ្សេងៗទៀតចូលមកកំពង់ផែអន្តរជាតិខេត្តព្រះសីហនុ ដែលអនុញ្ញាតិឲ្យប្រជាជនទស្សនាផងដែរ៕

ការប្រារព្ធពិធីបុណ្យកីឡាពណ៌ប្រចាំឆ្នាំរបស់សាលា ដុន បូស្កូ

ការដង្ហែរក្បួនព្យុះហយាត្រាកីឡាពណ៌

 

កាលពីថ្ងៃទី៣១ ធ្នូ ២០១២ សាលា​បច្ចេក​ទេស ​ដុន​ បូស្កូ​ ខេត្តព្រះសីហនុ បាន​រៀប​ចំ​កម្មវិធី​បុណ្យប្រចាំឆ្នាំ​មួយ​ ដើម្បីរំលឹកដល់ថ្ងៃរបស់​លោក​ឪពុក​បូស្កូ​ដែលជាគ្រូ មិត្ត និងបិតារបស់យុវជន ដោយគេឲ្យឈ្មោះថា បុណ្យកីឡាពណ៌។ ពិធីបុណ្យ​នេះបានប្រារព្ធធ្វើស្ទើរពេញមួយថ្ងៃ ដោយចាប់ផ្តើមពីម៉ោង ៧‍‍:៣០នាទីព្រឹក ដល់ម៉ោង ៣:00នាទីរសៀល។ យោងតាមប្រសាសន៍របស់លោកឪពុកនាយក យូជីន ខាលកូ  ឲ្យដឹងថា ជារៀងរាល់ឆ្នាំសាសាបច្ចេកទេស ដុន បូស្កូ ខេត្តព្រះសីហនុ  តែងតែរៀបចំធ្វើពិធីបុណ្យកីឡាពណ៌នេះឡើងនៅថ្ងៃទី ៣១ ខែ មករាជារៀងរាល់ឆ្នាំ ដើម្បីរំលឹកដល់គុណូបក្ការៈដ៏ធំធេងរបស់លោកឪពុក បូស្កូ ដែលលោកជាបូជាចារ្យមួយរូបដែលបានខិតខំលះបង់ទាំងកំលាំងកាយ និងកំលាំងកាយចិត្តជួយដល់យុវជនក្រីក្រអោយមានការងារធ្វើក្នុងគោលបំណងអោយពួកគេរួចផុតពីអំពើបាប និងដើម្បីអោយយុវជនចូលរួមលេងកីឡាគ្រប់ៗគ្នា។ សកម្មភាពនៃពិធីបុណ្យនេះមានដូចជា ជួបជុំគ្នាដង្ហែរជាក្បួន ឆ្ពោះទៅកាន់វេទិការប្រកួតកីឡាដោយមានវាយស្គរអម បន្ទាប់មកគោរពទង់ជាតិ អានធម៌អធិដ្ឋានលោកឪពុកបូស្កូ ថ្វាយគ្រឿងតង្វាយ មានបាច់ផ្កា​ ផ្លែឈើ សម្ភារៈកីឡា សម្ភារៈរោងជាង ឧបករណ៍សិក្សា​ បន្ទាប់មកលោកឪពុកចន វីសឺរ ប្រកាសបើកកម្មវិធី ដែមានការប្រកួតកីឡាបាល់ទាត់ បាល់ទះ បាល់បោះ រត់ចម្ងាយ លោតចំងាយ រត់បណ្តាក់ លោតកំពស់់ ចោលដុំដែក ដើរលើខ្សែរពួរ និង ការរាំកម្សាន្តផងដែរ។

ឪពុក យូជីន ខាលកូ បន្តឲ្យដឹងទៀតថា៖ កម្មវិធីបុណ្យកីឡាពណ៌នេះគឺប្រារព្ធឡើងគឺដើម្បីរំលឹកពីការងារលោកពុកបូស្គូ​ ក៍ដូចជាគោលបំណងរបស់លោកឪពុកបូស្កូផងដែរ។ ដែលគេធ្វើឡើងនៅថ្ងៃទី ៣១​ ខែមករា ជារាងរាល់ឆ្នាំ គ្រប់បណ្តាគ្រឹះស្ថាន ដុន បូស្កូទាំងអស់ ទូទាំងពិភពលោកដែលមានចំនួន ១៣១ប្រទេស ដែលធ្វើពិធីបុណ្យនេះធ្វើតែមួយថ្ងៃប៉ុណ្ណោះ។ហើយគាត់បានមានប្រសាសន៍បន្តទៀតថា គាត់សប្បាយចិត្តណាស់ដែលឃើញកូនៗទាំអស់ មានភាពស្និទ្ធស្នាល សាមគ្គីភាពរវៀងគ្នានិងគ្នា។

តាមសំដីរបស់លោក តាំង ឈុនហេង ជានិស្សិតផ្នែកទំនាក់ទំនងសង្គម និងសារព័ត៌មាន បានឲ្យដឹងថា គាត់មានអារម្មណ៏សប្បាយរីករាយណាស់ នូវពេលដែលសាលាបង្កើតឲ្យមានកម្មវិធីបុណ្យ កីឡាពណ៌នេះឡើងដើម្បីឲ្យយុវជន បញ្ចេញនូវសម្ថភាព និងឲ្យពួកគេអាចគេចផុតពីគ្រឿងញៀន។

រួមមកវិញកម្មវិធីនេះសឲ្យឃើញពីការសាមគ្គីរវាងគ្នានិងគ្នាយ៉ាងស្វាហាប់​ មានទឹកចិត្តក្លាហាន តស៊ូ មានវិន័យមានកាតព្វកិច្ច ទំនួលខុសត្រូវ មានសីលធម៌ សុជីវធម៌ ចរិយធម៌ គុណធម៌​ និងភាពជាបុគ្គលដែលមានសម្ថភាព ដែលជាសរសរទ្រូងដ៏សំខាន់សម្រាប់សង្គមជាតិទាំងមូលផងដែរ ។

សិក្ខាសាលាស្តីអំពី វិជ្ជាជីវៈអ្នកសារព័ត៌មានរបស់សាលា ដុន បូស្កូ

វាគ្មិនដែលបានចូលរួមក្នុងសិក្ខាសាលា(រូបថត ដុន​ បូស្កូ)

កាលពីថ្ងៃទីទី៩ មករា ២០១២ គ្រូ និងសិស្សផ្នែកទំនាក់ទំនងសង្គម និងសារព័ត៌មាន នៃសាលាបច្ចេកទេស ដុន បូស្កូខេត្តព្រះសីហនុ ដែលមានសិក្ខាកាមចំនួន៤៤នាក់។ ក្នុងនោះមានរួមមានអ្នកស្ម័គ្រចិត្តបរទេស ចំនួនពីររូបផងដែរ បាន ទៅចូលរួមសិក្ខាសាលាមួយស្តីអំពី វិ​ជ្ជា​ជីវៈអ្នក​សារព័ត៌មាននៅឯ  មជ្ឈមណ្ឌលបណ្តុះបណ្តាលវិជ្ជាជីវៈ ដុន បូស្កូ ខេត្តកែប ដែលដឹកនាំដោយលោកគ្រូ អ៊ូច សំបូរ ប្រធានផ្នែកទំនាក់ទំនងសង្គម និងសារព័ត៌មាន រួមជាមួយលោកគ្រូ គង់ ម៉ៅ ជាអនុប្រធានផ្នែក។ ដោយសិក្ខាសាលានោះធ្វើឡើងរយៈពេលពីរថ្ងៃ ដែលគិតចាប់ពីថ្ងៃទី១០ ដល់ថ្ងៃទី១១ ខែ​មករា ឆ្នាំ២០១៣ នៅឯមជ្ឈមណ្ឌលបណ្តុះបណ្តាលវិជ្ជាជីវៈ ដុន បូស្កូ ខេត្តកែប ដែលមានទីតាំងស្ថិតនៅ សង្កាត់ជ្រៃធំ ក្រុងកែប ខេត្តកែប។​

ក្នុងសិក្ខាសាលានោះក៏មានការអញ្ជើញចូលរួមពីសំណាក់អ្នកសារព័ត៌មានជើងចាស់មកពីប្រទេស ហូឡង់ គឺលោក Dr.​ ​Charles​ Schwietert ដែលជាអ្នកមានបទពិសោធន៍ខាងសារព័ត៌មានរយៈពេល៣០ឆ្នាំ។ អ្វីដែលគួឲ្យកត់សម្គាល់នោះគឺគាត់ធ្លាប់ធ្វើជាអ្នកកាសែតក្នុងប្រទេសកម្ពុជាសម័យសង្គ្រា​ម មុនថ្ងៃទី១៧ មេសា ឆ្នាំ១៩៧៥។ រួមជាមួយលោក ឃួន ណារីម ជាអ្នកមានបទពិសោធន៍ខាងសារព័ត៌មាន របស់​កាសែតសរសេរជាភាសាបរទេស ដឹខេមបូឌា ដេលី (The Cambodia Daily)ដ៏មានប្រជាប្រិយភាព។ អ្នកស្រី Maria​ ​Diaz​ ​Ruiz​ ជាអ្នកមានបទពិសោធន៍ខាងវិទ្យុផ្សព្វផ្សាយតាមប្រព័ន្ធអ៊ិនធើណេត ដែលមានឈ្មោះជាភាសាអង់គ្លេងថា “ Radio Online ” ។

អ្វីដែលគួរឲ្យកត់សម្គាល់នោះការអញ្ជើញចូលរួម ពីសំណាក់លោកឪពុក Albeiror Rodas ជាអ្នកទំនាក់ទំនងរបស់មូលនិធិ ដុន​  បូស្កូ កម្ពុជានិងជាអធិការនៃមជ្ឈមណ្ឌលបណ្តុះបណ្តាលវិជ្ជាជីវៈ ដុន បូស្កូ ខេត្តកែប រួមជាមួយគ្រូ និងសិស្សានុសិស្ស នៃសាលា ដុន បូស្កូ កែបផងដែរ។ដែលមានសិក្ខាចូលរួមសរុបប្រមាណជា៩០នាក់ ។

ក្នុងសិក្ខាសាលានោះផ្តោតជាសំខាន់ ទៅលើក្រមសិលធម៌វិជ្ជាជីវៈសារព័ត៌មាន និងប្រ័ព្ធផ្សព្វផ្សាយ។ដែលមានការឡើងធ្វើបទបង្ហាញយ៉ាងក្បោះក្បាយពីសំណាក់វាគ្មិនសំខាន់ៗ ដោយអនុញ្ញាតិឲ្យសិក្ខាកាមចូលរួម សាកសួរជាសំណួរ ដេញដោលរាល់ចម្ងល់ទាក់ទង វិជ្ជាជីវៈសារព័ត៌សម្រាប់ប្រទេសកម្ពុជា សម្រាប់ប្រទេសអភិវឌ្ឈន៍ និងប្រទេសកំពុងអភិវឌ្ឈន៍ ការតំឡើងវិទ្យុតាមរយៈប្រព័ន្ធអ៊ិនធើណេត និងជំនាញអាជីបជាអ្នកសារព័ត៌មានផងដែរ។​​​​

នៅល្ងាចថ្ងៃក្រោយបញ្ចប់វគ្គសិក្ខាសាលា​ ក៏មានការប្រគល់នូវវិញ្ញាបណ្ណប័ត្របញ្ជាក់ការសិក្សាជូនដល់សិក្ខាកាមដែលបានចូលរួមផងដែរ។

(ដោយៈ សុខហ៊ាន)